AYRN IX - SHIRREY SON JEN.

[O that I could my Lord receive.]

1 O NISH dy voddin geddyn Creest,
Son aym ren niau aagail !
As ren e vioys deyr choyrt sheese,
My annym dy hauail !

2 O nish dy voddin geddyn eh,
My yeearree as kiarail!
Maynrey ayns Creest leeideil my vea,
As ayns e ghraih paartail !

3 Trooid myghin shickyree dou dty hee,
As freill mee lesh dty phooar
Nagh jeanym arragh brasnagh Jee
Agh veih dagh peccah scuir.

4 Jean, my te dt'aigney bannit nish,
My pheccaghyn y stroie,
Ec reamys slane, jean soiagh' mish,
Lesh barriaght dty ghraih.

5 Tar Hiarn, as gow mee stiagh gys foayr,
Ansoor my accan jeean.
As marish eiraghyn dty ghloyr,
O cur dou cronney beayn !