[Stay, thou insulted Spirit, stay.]

1 O FUIRREE marym spyrryd mie,
Ga er dty vrasnagh choud dy hraa ;
Nagh jean m'y 'yiooldey voish dty ghraih,
As mee aagail er son dy brâ,

2 Lesh cree mee-viallagh as creoi ;
Ga choud er n'obbal dy hyndaa,
Geiyrt oo er-sooyl, as shassoo dt'oi,
As shen son bleeantyn liauyr dy hraa.

3 Ny-yeih, gow rish yn peccagh smoo,
Ny brooid t'er hurranse ass my lieh,
Ayns chiass dty chorree nagh jean loo,
Nagh jed my annym stiagh ayns fea.

4 Son shoh ta mee.dy imlee prayll,
Nagh faag uss mee ayns stayd cha treih
Nagh jean my annym y hreigeil,
Gennish as follym jeh dty ghraih.

5 Jean gerjagh nish my annym skee,
As jean dty lane hym heeyney magh;
Cur dou dy vlashtyn er dty hee,
'Syn eiraght vaynrey leeid mee stiagh