[Thou God of glorious Majesty.]

1 T'OU ard avns gloyr as ooashley Yee,
Eer noi aym pene, hood ta mee guee,
Beishteig, mac dooiney faase ;
Ta dooisht ayns ayrn ec dty choraa,
Eirey jeh gloyr ny trefflys bra,
Ruggit dy gheddyn basse.

2 Shassoo er mwannal coon jeh'n ooir,
Eddyr daa faarkey fegooish oirr,
Gyn geill ere sherree dou ;
As eer yn tammylt sloo dy hraa,
Ta coyrt mee gys yn vaynrys bra,
Ny jeigh mee ayns Toyrt-mow.

3 Chyndaa slane m'annym hood my Yee !
As lane imnea soie ayns my chree,
Cree vees my chronney beayn ;
As lhig dou tastey cooie chur da,
As agglagh er broogh beaynid craa,
Gys cairys doostey jeean.

4 Soie roym eh nish lesh atchim mooar,
Yn laa hig oo lesh gloyr as pooar,
Ayns bodjallyn veih niau ;
Briwnys dy choyrt eh dagh ashoon
Insh dou beem feen ry-gheddyn ayn,
Dy choyrt yn bannaght dou.

5 Haualtagh gow my annym eisht,
As veih yn seihll jean m'y chur lesh,
Dy chur-my-ner dty oaïe ;
Bee eredjue cail't syns shilley sooil
As treisht ayns soylley dowin gloyroil,
As cronney beayn dy ghraih.

Any comments, errors or omissions gratefully received The Editor
HTML Transcription © F.Coakley , 1999