[Thou great mysterious God unknown.]

1 T'OU ard erskyn my roshtyn Yee,
Dty ghraih dy dooie Ver choadey mee,
Neayr va mee oikan faase ;
Nish er my annym jean soilshean,
Insh dou my hug mee rieau ort enn,
Ny seyrit, liorish grayse.

2 Mannagh row aym agh aggle Yee,
As ver er neiyrt lesh jeenid cree,
Er tayrayn cheet veih naiu ;
Nish, lhig da'n bannaght sodjey cheet,
As soilshee da my annym nieet,
Yn ghraih t'ou er choyrt dou.

3 Fegooish dty ghraih cha jeanym mie,
Gyn feanish firrinagh cheu sthie,
Dy vel my loght leiht dou ;
Cha baillym m'annym 've ayns dooyt,
Dy veaghey follym gyn yn gioot,
Yn eearlys shen jeh niau.

4 Dy beagh yn spyrryd syns my chree
Nagh beagh eh feanish dou jeh Jee,
Rhym coardit trooid e vac ?
Lesh eredjue cheet,ergerrey da,
As " Abba Ayr" dy dunnal gra,
" T'aym fys dy vel mee lhiat."

5 Nagh lhig dou eisht cumrail my Hiarn,
Derrey ayns Creest nee'm geddyn ayrn,
As beaghey er dty ghoan ;
Neu-feeu jeh'n vrooillagh huittagh sheese,
Agh troggit liorish surranse Chreest,
Dy ee jeh beaghey'n chloan.

6 Cre ta cumrail dty ghraih my Yee ?
My chairys hene ny peccah'r bee,
Ta kinjagh shassoo roym ?
Lhig da my chree ta creoi ve brisht,
Livrey mee veih my pheccah nish,
As gow eh ooilley voym.