[With glorious clouds encompass'd round,]

1 LESH gloyr combaasit erskyn insh,
Ta Yeesey reill syns niau,
Kys yioym un steilley eisht jeh Creest ?
Vod Jee ve soilshit dou ?

2 Jean eh faagail e eiraght vie,
As soilshagh dooys e hee !
Dooinney dy hrimshey as dy ghraih,
Ansoor nish gys my chree !

3 Cur dooys yn ghraih nee soilshagh dou,
Cre hur oo er my hon ;
Cre'n oyr dy daink oo neose veih niau,
Dty uill ve roie cha chion?

4 Nagh daink oo gys yn seihll veih niau,
Hur oo er Calvary,
Dy voddagh Creest ve soilshit dou,
As enn v'aym ort my Yee ?

5 Tar eisht, as soilshee da my chree,
Yrjid as lheead dty ghraih ;
Ny lhottyn shen ta slaanagh mee,
Ny cronyn v'er dty oaïe.

6 Tar as jean shassoo roishmy hooill,
Myr Eayn veagh surranse baase;
Soyl mee'sy gharmad dhaait lesh fuill,
As soilshee dou dty ghrayse.

7 Jehovah soilshee dou dty phooar,
Jehovah surranse pian ;
Eisht shione don Jee lesh boggey mooar,
As ennym fuill yn Eayn.