|
1 CRE’N shilley
gerjoilagh yn baase!
Cre’n stayd ayns y theihll ta cha mie?
Cha vod yn fer s’aalin ta gaase
Ve soyiit gys corp ta ny lhie.
Lesh taitnys ta knee cur-my-ner
Yn corp, tra ta’n spyrryd ec Jee:
As coontey yn stayd shen ny share,
As booiagh ye marish ec shee.
2 Nagh maynrey nyn mraar, ta ersooyl !
Yeih ooilley e heaghyn ec shee:
T’eh’r vaagail dy aashagh ny chooyl
Yn challin, veagh tooillit as skee,
Veih olkys t’ou sauchey dagh traa,
She mysh dty stayd mie ta mee troo,
Cha bee oo ayns treihys dy brâ;
Ny peccagh myr ta mish ny smoo.
3 Yn ooir cha vei gennaghtyn nish,
Ny gaccan fo seaghyn erbee;
Ta ooilley yn caggey rey rish,
Nagh der dy bragh sneih er e chree
Yn chray ta cha bannee as s’lhiass,
Gyn nearey ry-akin ‘syn oaie;
Yn vioys dy slane er n’gholl ass,
Dagh yeearree er n’immeeaght veih.
4 Yn kione shen veagh ching ta ec aash, E
smooinaghtyn ooilley ec fea:
Yn aigney ta seyr veih angaish,
Ny smoo cha jean gennaght anvea:
Son seaghyn ny miolagh erbee
Cha vod veg y trimshey chur da:
Son nish ta slane builley yn chree
Er scuir, as ec fea son dy bra.
5 Ny sooillyn veagh dooisht whilleen traa
Ec seaghyn, v’eh kinjagh goll trooid;
Tad jeight seose ayns fea son dy bra;
As keayney t’ad slane er yarrood;
Oyr trimshey dy boilagh ersooyl,
Ta’n ushtey voue nish er hyndaa;
Ny jeir’nyn ta glen’t veih dagh sooill,
As olkys cha vaik ad dy brâ.
6 Ta’n cronney aym foast dy hooilleil.
Choud’s ta wee ayns shoh ceau my braa,
Agh kinjagh son feaysley as prayll,
Ayns siyr gys y vaase goaill jurnaa;
Lesh keayney as dobberan skee,
O baare lhiam dy vakin yn oor!
My spyrrd jeant casley rish Jee,
My challin dy lhie ayns yn ooir!
|
