[O God! our help in ages past.]

1 'SY traa ta ceaut t’ou Hiarn er ye
Yn cooney am dagh laa;
‘Sy traa ry-heet ne’oo shin livrey,
As oo nyu eiraght brâ.

2 Fo scaa dty stoyl sheer lhig dooin soie,
Dy kinjagh freill ayns shee;
Son ooilley niartal ta dty roih:
Cre’n sauchys t’ain ayns Jee!

3 Roish my row order er dagh slieau,
Ny cummey er yn joan,
T’ou uss yn Jee ta er dy rieau,
Son bleeantyn fegooish kione.

4 Thousane dy eashyn roish dty oaïe
Myr fastyr t’er ny cheau:
Ny myr vs arrey giare yn oie
Tra haink yn moghrey jiu.

5 Sheeloghe kiaralagh feill as fuill,
Lesh aggle as imnea,
Myr roish yn thooilley goit ersooyl,
Jarroodit neesht lurg traa.

6 Traa, myr yn awin, dy bragh ta roie,
As sceabey er-sooyl y cloan;
Ta’d chea ersooyl, myr dreamal oie
Yn tra ta’n moghrey ayn.

7 ‘Sy traa ta ceaut, t’ou Hiarn er ve
Yn kemmyrk am dagh laa;
Bee nish fendeilagh slane nyn mea,
As ynnyd-vaghee brâ.

Any comments, errors or omissions gratefully received The Editor
HTML Transcription © F.Coakley , 1999