[And am I born to die?]

1 NHEGIN dou ass shoh paartail,
My chorp s’yn ooir chur sheese?
As nhegin don goll fegooish cumrail,
Gys seihll ta erskyn-insh ?

2 Gys cheer ta fo scadoo,
Nagh vel shin fakin trooid,
Ny merriu ayns nyn lhiaghtyn grouw,
Ayns shen er ny yarrood.

3 Tra nee’m yn seihll aggail,
Cre vees my chronney eisht?
Boggey ny trirnshey hig my whail,
As shegin dou jannoo lesh.

4 Dooisht liorish feiyr y chayrn,
Nee’m girree seose veih’n oaye;
Nee’n briw cheet, lest gloyr soilshean,
Bee’n aer myr coirrey lheie:

5 Kys neem’s faagail my lhiaght?
Lesh gerjagh ny anvea ?
Maynrys ny treihys son dy bragh,
Shegin eisht my chronney ve:

6 Jean ainleyn er-y-chooyl
Chur lesh mee seose gys Jee?
Ny jouill y raipey mee ersooyl
Gys pian as trimshey cree?

7 Quoi oddys ginsh yn dooyt,
Ta nish lhie er my chree?
Beem foddey void’s ayns niurin jeiht;
Ny goit stiagh marish Jee?

8 Beem eiyrit magh veih Jee?
Ny baghey marish Creest?
Ny cummal marish flaunyssee:
Ny ceaut gys niurin sheese?

9 O uss nagh vel faagail
Unnane gyn cheb dy ghrayse;
Agh hur oo baase, son dy hauail
My annym boght veih baase;

10 Jeeagh dou yn raad dy plain,
Nee treihys y scapail;
Eisht tra nee’oo cheet lesh gloyr soilshean,
Lesh boggey hi’m dy whail.

11 Oo hene yn cassan cair,
Tar siyragh ayns my chree:
Dy voddym ceau my laghyn glare
Gys gloyr as moylley Yee:

12 Eisht verym graih da Jee,
Hen hoshiaght graih chur dou;
As moyll’ym oo fegooish ve skee,
Er son dy bragh ayns niau!