|
1 BANNAGHT, moylley, gloyr, as booise,
Son dy bragh dy row da Jee:
Ayns dty ghraih, as mooads erreeish,
T’ou cur reamys
dooin as shee:
Firrinagh gys goo dty ghrayse,
T’ou er ghloyraghey yn Eayn.
Yeesey Creest nyn Jiarn hur baase,
Chossyn dooin yn eiraght
veayn.
2 T’ou’n pryssoonagh er livrey,
Veih yn eill yn errey skee:
Raad ta’n vooinjer skee ec fea,
Er ny haglym thie gys Jee!
Pian as bioys nish ersooyl,
Slane e noidyn t’eh rey roo:
Baase as niurin ceaut ny chooyl,
Surranse cha jean eh ny
smoo.
3 Oh ! ta’n creestee ersooyl thie,
Nish ta’n streeu gloyroil ec fea
T’eh er chaggey’n caggey mie;
Baase ta sluggit seose ayns bea;
Seose er skianyn ainleyn goll,
Veih yn ooir er ny chaghlaa;
Nish da Jee t’eh troggal kiaull,
Maynrys Pargys currit da.
4 Lhig dooin ooilley nish goaill ayrn
Ayns yn arrane moyllee noa;
Hed mayd roin er gys nyn Jiarn,
Son cha voddey vees mayd bio.
Nee mayd goll veih’n thie dy chray,
Geddyn ayrn ayns
eiraght share!
Laa gyn kione goaill soylley jeh:
‘Smaynrey veet mayd rish nyn mraar.
5 Son yn sleih ta’n seihll dy choayl,
Lhig daue keayney nish dy liooar
Agh nyn mraar gys Creest ‘ter n’gholl,
Baase ta dhyts yn cosney mooar:
T’ou er chosney stiagh gys fea:
Trimshagh ta mee-chredjuee:
Shi’yn gerjoil leeideil nyn mea,
Derrey hed mayd thie gys Jee?
|
|
