1

Trooid dagh caghlaa as staid 'sy theihll,
Ayns boggey as angaish
Neem's moylley Jee veih grunt my chree ;
My hengey cha gow aash.

2

Jeh my livrey neem's boggyssagh,
Dy vod yn sleih t'ayns fême
Veih'n sambyl aym's gerjagh y ghoaill,
As scuir veih plaiynt as geam.

3

Tar jee mârym's moyll joe yn Chiarn,
Mârym's court moylley cooie
Son ayns my heaghyn d'eie mish er,
As hooar mee livrey dooie.

4-5

Ny creeaghyn trome dy-leah hooar courr,
Hug barrant er nyn Yee:
Son ve ry-akin er nyn oaiey
Va boggey ayns nyn gree.

6-7

Ta, ainleyn Yee sheer goaill kiarail,
Coadey yn dooinney mie:
As slane livrey T'eh court da lheid,
Ta er nyn marrant lhie.

8-9

Oh nooghyn gow shiu aggle roish !
Nhee cha jean skielley diu
Lhig slane nyn mea v'ayns E hirueish,
Dagh nhee fêmoil yiow shiu.

10-11

Shiuish ta crauee ayns nyn mea,
Tayrn shiu er gerrey dou
Neem's gynsagh diu cre'n-aght dy hooyl,
Ayns aggle Yee gys niau.

12

Lhig dasyn s'aillish y ve beayn,
As fakin laghvn share:
E hengey 'reayll veih scammyltyn,
E veillyn veih drogh ghlare.

Any comments, errors or omissions gratefully received The Editor
HTML Transcription © F.Coakley , 2002