[From Psalmyn Ghavid

PSALM 15.

1

Quoi gys Dty phlaase reeoil, O Hiarn,
Myr reih nee goaill jurnaa;
Oha nee myr joarree goaill aaght oie,
Agh ayn dy reayll dy-brâ.

2

She eshyn eh ta bea leeideil
Cordail rish leighyn Yee;
E smooinaght, obbyr as e raa,
Reillt liorish foays e chree.

3

Eh nagh dug scammylt rieau, dy ghoaill
Veih ‘naboo e ghoo mie;
As riagh dug cleaysh da’n tutlar broghe
Ta shooyl veih thie dy thie.

4

Ta jeh drogh-yantee soiagh beg,
Ga ta’d ayns stayd as pooar;
Agh jeh ny nooghyn ga t’ad boght,
T’eh kinjagh soiagh mooar.

5

Quoi gys e yialdyn as e loo
Ta shassoo fegooish foill;
Agh myr t’eh gialdyn t’eh cooilleen
Cre-wooads te da dy choayl.

6

Eh nagh jean goaill rour thack ny keesh Ass argid, cooid ny airh,
Nagh jean goaill leagh ny gioot ro-laue, Dy phlooghey briwnys cair.

7

Eh ta myr shoh leeideil a vea
Jeh maynrys shickyr t’eh;
Ga ragh y seihll shoh bun-my-skyn
Yiow eshyn slane livrey.

***

9

Yn Chiarn ta mee er hoiagh roym,
Dy ye kiongoyrt rish m’ oaïe,
Lesh pooar e lane nee eh m’y reayll, Nagh jean-ym tuittym veih.

10

Er shen my chree ren gennal gaase,
My ghloyr ren boggey ‘ghoaill;
My eill ghoys fea ayns slane treishteil
Jeh irree-reesht gerjoil.

11

Cre’n oyr ? cha jean uss lhiggey dooys,
Ayns stayd ny merriu lhie;
Ny surranse da dt’ er-cash ‘rick cheet
Gys loauid ayns yn oaie.

12

Jeeaghee oo dooys yn rand gloyroil
Nee m’y leeideil gys bea;
Ayns dt’ enish ta slane gerjagh lhie,
As maynrys son dy-brâ.


 

Back index next


Any comments, errors or omissions gratefully received The Editor
HTML Transcription © F.Coakley , 1999