1

Ta craueeaght fajeil, O Hairn,
Bee uss nyn gooney eisht;
S’goan oddys mayd ayns fer er-bee,
Myr carrey cur nyn dreisht.

2

Naboo y chredjal cha vod shin,
Gyn bmynnerys ye ayn;
Cha foalsey as molteyragh t’ad,
Lesh cree doobylt as goan.

3

Eh ta foalsey as ny volteyr,
Cha vod goaill toshiaght lane
Cliengey vreagagh’s lane brynnerys,
Yiow kermaghey veih’n çhiamn.

4

T’ad jerkal dy jed ooilley lhieu,
Trooid nyn goan foalsey’s keeayll;
Gra, quoi yiow jin yn varriaght,
Nagh nee lhien hone nyn meill.

5

Agh Jee ta g’eaishtagh rish boghtyn,
As fakin dagh translaase;
Dy leah ver kemmyrk da E chloan,
Nee stroie dagh crout as saase.

6

Goo’n Chiarn dy bragh nee tannaghtyn,
As firrinagh ta ‘ghoan;
Myr argid ta shiaght keayrtyn reiht,
Nagh vel molteyrys ayn.

7

Dy chooney lesh e chloan cairal,
E ghialdyn shickr ta;
As nee veih noidys deiney olk,
Fendeil ad son dy brâ.

8

Eisht ny meechrauee vees feer treih,
As deiney mie nee gaase;
Ayns barriaght erskyn ooilley,
Nagh row cur geill da grayse.

9

Kinjagh raad ta meechrauee reill,
Lesh olk vees ooilley lane;
Oraueeaght er ny chummal fo,
As cairys vees fadane.

Any comments, errors or omissions gratefully received The Editor
HTML Transcription © F.Coakley , 2002