[From Psalmyn Ghavid

PSALM 6.

(Clague 1809)

1.

Ayns corree, Hiarn, ny kerree mee,
Boght eiyrit magh er lheh;
Ny smaghtee mee ayns mooads jymmoose,
Ro hrome dy ymmyrkey.

2.

Jeeagh myghin, Hiarn, ta mee annoon,
As faiyntagh ec my chree;
My chraueyn neesht ta guint lesh pian,
Ass chymmey lhiasee mee.

3-4.

Ta m’annym neesht mooar seaghnit,
Hiarn caid vees oh myr shen;
Chyndaa, O Hiarn, jean m’y livrey,
As aash mee veih my phian.

5.

Lurg baase cha bee imraa jeant Jeed,
Ny fockle er ny loayrt;
As ayns yn oaie, quol nee ayns shen,
Da dt’ ennym moylley’ choyrt?

6.

Deinagh lesh g’accan ta moe ceaut,
Aash cha vol ec my chree;
‘Sy laa my vink, ta fliugh lesh jeir,
My chioneiyrt ayns yn oie.

7.

Lesh trimshey ta my hooillyn lheit,
My hilley t’er n’aase moal;
Lesh eiyrtys noidyn, or n’aase shen,
My niart ta moe er choayl.

8-9.

Nagh trome diu ! ta cur dou aggair,
Ta’n Chiarn or chlashtyn mee:
Gys m’accan t’eh or chroymmey ‘chleaysh,
T’er n’eaishtagh rish my ghuee.

10.

Lhig da my noidyn naarit ye,
As seaghnit dy-creoie;
Lhig nearey foshlit chest nyn guail,
Doaltattym gys yn oaie.


 

Back index next


Any comments, errors or omissions gratefully received The Editor
HTML Transcription © F.Coakley , 1999