|
1 LIORISH deiney as
ainleyn,
Lhig Jee yn Ayr ye moyllit,
Yn imbagh tayn
Haink lhiannoo hooin,
She dooinyn Mac ta currit:
Yn chaghter as yn feanish,
Jeh foayr veih Jee as maynrys;
Jee t’er choyrt sheese
Hooin Yeesey Creest
Dy ye dooin slane Saualtys.
2 Oo yn Messias graihagh,
T’ou boggey ny ashoonyn;
O Yeesey Creest,
She Jee oo neesht,
Yn Chiarn ren ooilloo chroo shin:
She no fer-choyrlee peccee,
Dy livrey shin t'ou niartal,
O Prince y chee
Gow hood dagh cree,
As reill aynin dy baghtal.
3 Eh ren ny ainleyn ooashlagh,
T’er ghoaill nyn ghooghys foalley
Nish cur shiu geill
Da Jee ‘syn eill;
Yn fer ren shin y chiaddey:
Lhig slane sheelnaue y hoiggal,
Cre’n bannaght ta stowit orroo;
Yn Lhiannoo Creest
Jeh lhiurid reaish,
T’eh lhieeuney niau as thalloo
4 Cur shiu my-ner yn oikan,
Ta feeu jeh gloyr gyn jerrey,
E laueyn hene,
Nee sauail shin,
As troggal j’eein dagh errey,
Coyrt mow’n ard-nieu camlagagh,
E obbyr te dy lheittal,
As fosley jiu,
Yn giat gys niau,
Da dagh unnane ta credjal.
5 Gys shen O Yeesey ghraihagh,
Ta shin dy imlee croymmey;
Lesh slane nyn gree,
Shirveish nyn Ree,
As gennal coyrt dhyt moylley;
She hood ta shin nish chebbal,
Dty yiootyn hene lesh eunys:
Derrey hig oo
Ayns ooashley noo,
As goaill shin seose gys flaunys.
|
|
