[Originally composed in Manks.]

1 ER jeet dy cheilley ass-y-noa,
Dy hebbal booise da’n Chiarn;
Cre’n yindys eh dy vel shin bio,
Fud whilleen gaue er-mayrn?

2 Da’n Jee ta choud er nyn sparail
Lhig dooin cur gloyr as booise
Ta coadey, as goaill j’in kiarail
Ayns mean dangeyrn wheesh

3 Dangeyryn ta ass shilley sooill,
‘S shen ver mayd tastey da,
Yn chramp ‘sy dorraghys ta shooyl,
As stroider y vun-laa.

4 O trog-jee nyn goraaghyn seose,
As lhig dooin voylley eh:
T’er neam shin veih yn dorraghys,
Dy hooyl ayns raad y vea.

5 Lhig dooin coyrt moylley son e ghrayse,
Erskyn dy chooilley nhee;
Dy daink nyn Jiarn’s dy hur eh’n baase,
Dy choardail shin rish Jee.

6 O lhig dooin lesh un aigney prayll,
Er son e Spyrryd mie;
Dy jean eh shin ‘sy raad leeideil,
Gys nec mayd roshtyn thie

7 Ayns shen cha bee paartail dy bragh
Agh marish flaunyssee,
Goaill jeh ny messyn flaunyssagh
Dy bragh, as moylley Jee

Any comments, errors or omissions gratefully received The Editor
HTML Transcription © F.Coakley , 1999