[How happy every child of grace.]

1 FEER vaynrey ta dagh mac dy ghrayse.
E pheccah t'er ny leih ;
" Yn seihll" t'eh gra " cha vel boayl aash,"
Ayns niau ta'n boayl t'eh reih
Gys cheer dy ghlovr jeh'n aalid smoo,
Trooid credjue roie e choorse,
Yn cheer dy fea, taitnys dagh noo,
Yn niau ta kiarit dooys.

2 She joarree ayns y theihll ta mee,
Agh imlee goaill jurnaa
Boggey yn seihll cha gow my chree,
Aggle cha vod mee chraa;
Ta trimshey'n seihll dy leah er-gooyl,
Y voggey neesht caghlaa:
Yn ghloyr shen huggey ta mee shooyl,
Te farraghtyn dy brâ

3 Cre t'ayns y theihll nee mish chumrail
Veih gloyr as mavnrys brâ ?
Tra ta ny ainleyn cheet my whail ;
Tar-royd ta Yeesey gra ;
Jean foddeeaght son braar er-bee,
Yn streeu aym chur er gooyl ?
Cha jean, son tra hem roym gys Jee,
Cha vuirree ad my chooyl.

4 Fisht lhig dou siyragh cosney roym,
Ayns maynrys beayn dy cheau ;
Ayns niau, cha bee my chaarjyn voym,
Agh soylley share yioym jeu
Ayns shen ry-cheilley lesh un chree,
Jeh graih yn Chiarn gimraa;
As lesh un aigney moylley Jee,
Ayns maynrys ceau nyn draa.

5 Dy bailt ny smoo dy ghravse chur dou,
As brishey'n thie dy chray !
As goaill my annvm seose gys niau,
Gys Jee raad baillym ve
Dy chur-my-ner yn Eayn hur baase,
As cur ard-voylley da:
As goaill arrane jeh mooads e ghravse,
As shen er son dy brâ.