[Come, let us join our friends above.]

1 MAROO ta nish ayns maynrys sthie,
Lhig dooin cur gloyr da'n Eayn :
Er skianyn credjue, as dy ghraih,
Goll seose gys gerjagh veayn.
Ayns shoh, lhig nooghyn goaill arrane,
Myr ad t'er-sooyl gys Jee,
Adsyn t'ayns niau as shi'yn unnane,
Sharvaantyn da'n un Ree.

2 Adsyn ta heose ayns gerjagh bra
As shi'yn ta ayns shoh wass,
She myr un agglish ta shin da,
Ga scarrit liorish baase
Un sheshaght-chaggee,fo'n un Jee,
Ta lhoobey da 'choraa:
Ta paart er chosney roue syns shee,
Ta paart foast goaill jurnaa.

3 Thousaneyn, goll gys cronney brâ,
Eer nish yn seihll faagail
As shi'yn ta nish feer faggys da;
As baillin neesht partail.
Sidjooryn Chreest ta foast 'syn eill,
Agh farkiaght son y laa,
Tra nce mayd heose syns flaunys reill,
Yn cheer dy gherjagh brâ.

4 Nyn anmeenyn nee ayns traa giare,
Jeh'n vaynrys t'oc goaill ayrn
Lesh boggey hee mayd Chreest 'syn aer,
As cluin mayd feiyr yn chayrn ;
O jean shin aarloo son y laa !
Eisht cur yn fockle dooin
Dy ghoaill shin gys yn vaynrys brâ,
Uss Jee dy ghloyr tar hooin.

Any comments, errors or omissions gratefully received The Editor
HTML Transcription © F.Coakley , 2002