|
1. ER-SOOYL lesh dagh aggle voin nish,
Ta faggys ec kione nyn yurnaa
Ard-valley ny nooghyn hig rish,
Dy leah nee mayd fakin yn laa:
Veih’n ooir nee mayd goil ayns traa
giare,
Gys boayl ta slane yeearree nyn gree:
As troggal gys cummal nyn Ayr,
Yn plaase rand ta ainleyn, as Jee.
2 Veih ooilley nyn seaghyn livreit,
Seose troggit, tra heidys yn cayrn,
As fakin yn ard valley cheet,
Myr ben-phoosee reiht son y Chiarn:
Ta’n bailey cha casherick glen:
Gyn seaghyn ny trimshey da’n chree:
Son peccah cha vod cheet ayns shen,
Ny coodagh dy olkys erbee!
3 Trooid credjue ta shin cur-my-ner, Jerusalem eunyssagh
shen,
Ny voallaghyn jasper as airh,
Cha sollys as crystal soilshean;
Ta’n nndin eck shickyr dy liooar,
Dy bragh er ny scnghey cha bee:
T’ee soilshagh yn obbree mooar,
Cha sollys lesh gloyr aalin Yee.
4 Gyn feme rish yn ghrian ayns y laa,
Son oie cha jean roshtyn gys shen:
Agh Yeesey soilshean son dy brâ,
Lesh soilshey cha sollys as glen:
Yn Eayn ta yn ghrian ta soilshean,
Ny nooghyn lane sollysid ceau;
Narish Creest son dy bragh t’ad unnane,
‘Sy ghloyr as ‘syn aalid t’ayns Niau.
5 Ny nooghyn ayns fenish yn Eayn,
‘Syn eiraght gloyroil yiow ad ayrn;
As marish ayns niau dy bragh beayn
T’ad beaghey aysis gerjagh nyn Jiarn:
Ec shilley jeh eddin Mac Yee,
Ta flaunyssee lhieeney lesh graih:
Te eunys dy bragh da nyn gree,
Dy kinjagh dy akin e oaïe.
|
|
