[Life is the time to serve the Lord.]

1 SHE’N yea shoh’n traa dy hirveish Jee,
Dy yannoo shickyr bea, as shee;
Choud as ta’n sushtal gearnagh da,
Foddee yn peccagh smoo chyndaa.

2 Yn tra ta Jee dooin’ er chiarail,
Baase as coayl-anmey dy scapail:
Yn laa dy ghrayse ta ec sheelnaue,
Dy yannoo shickyr maynrys niau.

3 Ta toiggal ec ny bioee jeh
Dy vow ad baase, son shen myr te;
Cha nione da’n marroo nhee erbee,
Jarroodit as jarrood dagh nhee.

4 Ta chammah’n ghraih oc as yn dwoaie,
Ersooyl, as caillit ayns yn oaie,
As caillit neesht ta’n yearree ‘sjeean
Gys cooishyn seihitagh fo yn ghrian.

5 Shen t’ayms ayns laue dy yannoo nish,
Lhig dou lesh slane my niart goil mysh
Son obbyr, credjue, treisht, ny pooar,
Cha vel ry.gheddyn ayns yn ooir.

6 Cha vel pardoon ayn er nyn son,
Syn oaie raad ta shin goll dy chion,
Agh dooid y vaaish, as meehreishteil,
Ta ayns nyn gummey aggiagh reill.