[How condescending and how kind.]

1 NAGH mooar yn injillid as graih
V’ayns Mac yn niartal Jee,
Tra daag eh niau er graih sheelnaue,
As gheayrt eh fuill e chree.

2 Row chymmey rieau myr chymmey Chreest
Son s’mie va echey fys,
Dy row eh cheet dy hurranse baase;
Nagh mooar va ‘ghiastyllys.

3 Nyn beccaghyn she shen va’n oyr
Hur Yeesey Creest y pian;
Ren Mac beayn Yee cur fuill e chree
Dy chosney dooin bea veayn.

4 Nish ga t’eh reill ec laue yesh Yee,
Cha vel e ghraih veg sloo;
T’eh cooinaght foast er Calvary
As er e gheiney noo.