[ Nor eye has seen, nor ear has heard.]

1 CHA vaik rieau sooill, cha geayll rieau cleaysh,
Cha ghient eh rieau ‘sy chree,
Dy hoiggal cre ta kiarit daue
Ta graihagh er Mac Yee!

2 Yn Ayr eh hene t’er chiarail eh,
As bee eh maynrys vooar;
Cur coontey jeh cha vod unnane,
Te lane erskyn nyn booar.

3 Spyrryd y Chiarn t’er hoilshagh ayrri,
Bee flaunys oc lurg baase:
As gloyr e ghoo ta daue londeyr
Dy vod ad aynsyn gaase.

4 Feer vooar ta’n eunys ta ayns niau,
Ta ooilley boggey’s shee;
Agh eh ta tannaghtyn ayns olk,
Dy bragh ayns shen cha bee.

5 Ta giattyn niau jeight seose noi loght,
( Yiow peccee deyrey veayn)
Dy bragh unnane cha jig gys niau
Agh eiyrtyssee da’n Eayn.

6 Ta lioar y vea livreit gys Creest
Ayn ta dagh ennym noo:
Nee crauee oalsey ayns fardail
Dy gheddyn stiagh ayn streeu.