[Happy the man who finds the grace.]

1 TA'N doinney maynrey t’echey ayrn,
Ayns bannaght pobble reiht y Chiarn;
Yn chreenaght shen ta cheet veih Jee,
Credjue as graih ta ayns e chree.

2 Ta’n doinney maynrey erskyn insh,
Echey ta credjue bio ayns Creest;
Er gheddyn gioot feer eunyssagh,
Er cosney tushtey flaunyssagh.

3 Creenaght veih niau, quoi oddys gra
Cre’n cosney yindyssagh t’ee da?
Roish argid ta shin soiagh’ ee,
As airh cha vel feeu soyllagh r’ee.

4 Ta ‘laneyn lane lesh lhiurid traa,
Berchys, as ooashley son dy brâ,
Berchys veih Creest gyn eeck erbee,
Yn ooashley shen ta cheet veih Jee.

5 T’ee cuirrey shin dy ye gerjoil,
Lest taitnys crauee spyrrydoil,
Ny raaidyn eck gerjoil da’n chree,
As slane e kesmadyn ta shee.