[ How vain are all things here below.]

1 YN seihll s’fardalagh dagh nhee t’ayn,
Ga jeeaghyn aalin dooin
Son ayns e haitnys ta pyshoon,
Ta ‘viljid cur lesh guin.

2 Yn red smoo aalid fo yn aer,
Cre te agh caslys treih,
As ta shin shassoo ayris dangeyr,
Tra yoghe shin gerjagh veih.

3 Nyn moggey smoo, nyn gaarjyn s’deyr,
Cre’n aght t’ad goaill shin jeh;
T’ad goaill yn aigney harrish cair,
Dy s’coan yiow Jee agh lieh.

4 Graih gys ny reddyn t’er yn ooir,
Nagh trome te orrin lhie,
Geid lesh yn cree's te ass nyn booar,
Dy hayrn lesh reesht eh thie.

5 Haualtagh lhig da dt’aalid eisht,
Ve’n beaghey aym dagh oor,
As grayse, my chree dy slane cur lesh,
Veih reddyn er yn ooir.